Miles de persoas saíron este domingo ás rúas de Madrid para protestar contra a invasión rusa de Ucraína ao berro de “Putin asasino” e “Ucraína libre”. Unha das marchas por Ucraína saíu da Praza de Colón con destino á Praza de Cibeles, e congregou a unhas 40.000 persoas, segundo a Delegación do Goberno en Madrid. A esta marcha sumáronse outras dúas manifestacións, unha en Praza de España, que congregou a unhas 1.200 persoas e outra ante a embaixada de Rusia en Madrid. Os manifestantes concentráronse con bandeiras de Ucraína e pancartas nas que se podía ler: “Paz”, “Stop Putin” e “Basta!”. Os convocantes instalaron un punto de información sobre como axudar a Ucraína e outros puntos de recollida de alimentos, roupa e medicamentos para enviar axuda á poboación.
18