A asturiana Montse Tomé, exxogadora e segunda adestradora da selección española desde 2018 substituirá a Jorge Vilda á fronte da absoluta.
Tomé ocupa diferentes postos no staff da selección desde a súa retirada como profesional en 2012 e foi parte fundamental na consecución do título mundialista de Australia e Nova Zelandia.
Por primeira vez unha muller sentarase no banco da selección española feminina e tal e como comunicou a RFEF no comunicado, “o nomeamento de Tomé responde as medidas de rexeneración anunciadas polo presidente Pedro Rocha”.
Os primeiros partidos que afrontará á fronte da selección absoluta serán no mes de setembro nas dúas primeiras xornadas da UEFA Women’s Nations League. O 22 de setembro será o seu debut contra Suecia e o 26 de setembro España recibirá á Suíza en Córdoba.