0
Luis Suárez Miramontes, único español Balón de Ouro, faleceu este domingo en Milán aos 88 anos de idade, segundo anunciou en redes sociais o Inter de Milán, club no que xogou e que adestrou durante anos. Nado no coruñés barrio de Monte Alto, o 2 de maio de 1935, Suárez empezou xogando no RC Deportivo da Coruña, o club da súa cidade, ata que en 1954 pasou a formar parte do FC Barcelona. En 1961 foi un dos primeiros españois en fichar por un equipo estranxeiro, o Inter de Milán, nun traspaso que na súa época foi o máis caro da historia do fútbol. En 1960 foi galardoado co Balón de Ouro e ata o momento é o único español en conseguilo.