34
O accidente rexistrouse, pasadas as nove da noite deste domingo, no quilómetro 5 da estrada LU-617, á altura da parroquia de Tor. A vítima volvía dunha batida cando lle quedou o coche atravesado na estrada. Debido á escasa visibilidade, outro vehículo bateu contra o seu remolque, que alcanzou o cazador debido á forza do impacto. O falecido, José Manuel Fernández, era moi popular entre o colectivo de cazadores de Monforte debido á súa paixón pola caza. Tamén era coñecido por rexentar un bar no barrio monfortino de Morín ata a súa recente xubilación. Hai unha década, o falecido sobrevivira a un disparo de rifle nun accidente de caza.