Trátase duns galardóns enmarcados dentro da liña PEL-EMPRENDE do Plan de Emprego Local (PEL) da Deputación da Coruña, e que constitúen unha das citas anuais clave do sector empresarial da provincia. O seu obxectivo é o de recoñecer o esforzo e implicación das empresas, das asociacións empresariais e dos concellos da provincia no desenvolvemento económico e na creación de emprego e riqueza. O Boletín Oficial da Provincia publicou as bases reguladoras desta cuarta edición, e que este ano incorporan unha nova categoría para premiar as iniciativas innovadoras na loita contra a COVID-19.
As cinco categorías que conforman esta nova edición son:
1ª categoría: Premio á mellor iniciativa empresarial nova.
2ª categoría: Premio á mellor iniciativa empresarial consolidada.
3ª categoría: Premio á mellor iniciativa innovadora na loita contra a COVID-19.
4ª categoría: Premio ao concello promotor do emprego de calidade.
5ª categoría: Premio á mellor asociación empresarial.