26
O Bergantiños FC informa que convida a todo o equipo da Tempada 87/88 a presenciar o partido de Copa do Rey que se disputará o vindeiro mércores, 15 de decembro, no Estadio Municipal de As Eiroas ante o Raio Vallecano. O club quere deste xeito homenaxear e recoñecerlles aos protagonistas que fixeron soñar a toda a afección do Bergantiños durante os 210 minutos dos partidos de Copa ante o Raio Vallecano no ano 87, así como durante as tres eliminatorias desta competición que disputaron. «O equipo da Tempada 87/88 forma parte da historia do noso club e por iso non podían faltar á histórica cita que terá lugar e próximo mércores en As Eiroas», conclúen desde o club carballés.