19
O Bergantiños FC segue intratable en xogo e resultado, xa leva sete vitorias consecutivas, este domingo xogou o seu partido correspondente á Xornada 10 da Terceira División Grupo 1. Fíxoo ás 12 do mediodía fronte ao Viveiro no Estadio Cantarrana da vila Mariñá. Cunha formulación 4-3-3, o equipo carballés que adestra José Luis Lemos mostrouse moi superior ao rival e no minuto 12 adiantábase no marcador por mediación de Duque. O dorsal número 21, Martín Lamelas, foi o protagonista da contenda tras marcar tres tantos nos minutos 25, 66 e 70, ao final (0-4). O equipo carballés continúa no posto de honra acompañado do Somozas, que volveu a gañar na casa neste caso ao As Pontes (1-0).