O Bloque Nacionalista Galego (BNG) remitiu unha carta ao director xeral da CRTVG na que pide que se organice outro debate entre os candidatos á Presidencia da Xunta na última semana da campaña electoral, así como un cara a cara entre a súa líder, Ana Pontón, e o aspirante popular á reelección, Alfonso Rueda. O encargado de remitir a misiva foi o coordinador de campaña da formación nacionalista, Rubén Cela, quen subliñou que o BNG xa confirmou a súa presenza nos tres debates propostos -un o día dous de febreiro na Cadea Ser, outro o día 5 na CRTVG e un último en RTVE.
Rubén Cela mostrouse convencido de que os galegos verían “con bos ollos que un medio público como a CRTVG ofrecese estes debates nun contexto no que, segundo indicou, ”as enquisas apuntan a un PP á baixa e a un Bloque Nacionalista Galego claramente á alza, reforzando a súa posición alternativa ao PP“. ”Neste contexto, é máis importante que nunca que se poida producir este cara a cara e que os galegos poidan ver, en primeira persoa e sen filtros, as dúas alternativas entre as que realmente se van a bater estas eleccións do 18 de febreiro“, dixo. Por iso, considerou necesario que Rueda e o PP ”non se escondan“ e que ”non teñan medo a debater“, así como que os medios públicos ”cumpran a función que deberían ter nun proceso electoral como este“.
A campaña máis intensa da historia do BNG terá como “pistoletazo de saída” nun acto o domingo, día 7 de febreiro, en Rianxo (A Coruña), onde o BNG organizará un gran acto coincidindo co aniversario do nacemento de Castelao.