Primeira vitoria en Carballo para o Basket Xiria esta tempada, a pesar dun xogo trabado e con moitas faltas, por ambos os equipos, o conxunto carballés conseguiu sacar adiante o partido e sumar estes primeiros dous puntos na casa, ante o seu público e fronte ao EDM A Estrada.
O partido comezou cun ritmo lento, aínda que o Basket Xiria alcanzou 15 puntos no primeiro tempo, con tan só 4 dos estradenses. No segundo parcial, xa ambos os equipos estiveron mais acertados de fronte oa aro e ao Xiria custáballe defender o tiro exterior dos visitantes, o que fixo que se visen superados, pero chegando ao descanso por diante, cun marcador atípicamente baixo 25-18.
O terceiro cuarto foi moi similar ao segundo e o Basket Xiria conseguia abrir oco, pero non se despegaba do todo, xa que o EDM A Estrada dominaba o rebote en ámbas zonas. O electrónico marcaba 40-26. Xa no ultimo tempo espertaron os pontevedreses, pero con baixo acerto exterior, o que supoñía que o Calvo Basket Xiria perdese este parcial por 15-21, pero gañase o partido por 8 puntos de vantaxe, 55-47.
Pau lsern foi o xogador do partido con 14 puntos, 10 rebotes e 4 asistencias.