O equipo carballés que adestra Adrián Dubra afronta o primeiro duelo dun mes de marzo importante na súa loita pola permanencia na categoría. Este sábado ás 20:00 horas, o Vila de Noia acollerá o enfrontamento entre o Calvo Xiria e o Km13 Gáldar. A afección carballesa, estará ao lado do seu equipo desde o quecemento, como vén sendo habitual toda tempada. Saben da importancia que teñen os seus cánticos e o apoio que necesita o equipo nestes momentos.
O Calvo Xiria necesita manter a intensidade defensiva durante todo o encontro e para iso estivéronse preparando ao longo da semana; ante un conxunto canario rápido nas transicións defensa-ataque e marcando os tempos desde o ataque posicional. Por tanto unha das chaves do partido será o bo facer do balance defensivo.
21