Este fin de semana disputouse na piscina Antía García Silva, de Caldas de Reis o Campionato Galego Alevín, Infantil e Cadete de Salvamento e Socorrismo.
O Club Salvamento Acuático Laracha (SAL) desprazou á cita un total de 30 deportistas (12 alevíns, 7 infantís e 11 cadetes), co obxectivo de mellorar os resultados de anos anteriores, e de desfrutar dunhas xornadas de deporte e competición.
Os resultados demostraron o gran traballo feito por todos os rapaces e rapazas diariamente na piscina municipal da Laracha, xa que se melloraron moitas marcas que permitiron acadar varias mínimas para os campionatos estatais e moitos dos deportistas laracheses colocáronse entre os mellores de Galicia.
A próxima cita para estes grandes deportistas será o Campionato de España Infantil e Cadete, en Valladolid.