O Deportivo segue agarrado ao “efecto Fernando Vázquez”, a crer que a salvación é posible. O Depor logrou ante o Racing a súa terceira vitoria consecutiva para poñerse moi preto da fronteira da salvación. Alegría total dun Riazor que viviu un partido que tivo de todo. Gol inicial dos cántabros, remontada local con tantos dos dous debutantes (Sabin Merino e Çolak). Euforia que pasou a sufrimento, xa que o turco viu a segunda amarela para deixar aos seus cun home menos máis de media hora. Derrota para un Racing que suma seis xornadas sen gañar e que herda o posto de pechacancelas co que os coruñeses cargaron durante os tres últimos meses. Como dato curioso, o Dépor volveu á súa clásica camiseta de franxas verticais tras a petición dos seus accionistas e con permiso da liga, e parece que con boa sorte.
25