A vicepresidenta primeira e ministra de Asuntos Económicos e Transformación Dixital, Nadia Calviño, asegurou este venres que a subvención xeneralizada é unha medida «controvertida». Asegurou: «Ten un impacto fiscal moi importante e non beneficia as clases máis vulnerables», senón só a quen «ten coche», e ademais non se incentiva o aforro en carburante.
Aludiu, ademais, á «dificultade» de adecuala aos distintos niveis de renda. Contrapúxoa á bonificación do transporte público, trens de proximidade e Media Distancia para pasaxeiros recorrentes, que cualificou de ferramenta «estrela» e que por iso se estenderá durante todo o ano 2023.
Admitiu que a idea do Goberno é «centrar» esa axuda só nos sectores máis afectados, como o do transporte, a agricultura, a gandería ou a pesca, entre outros.