- O executivo expón tres bloques de obras de mellora na rede viaria en diferentes zonas da localidade
O grupo de goberno local de Muxía (PSOE) buscará crear unha comisión municipal de urbanismo co obxectivo de «conservar diversas intervencións para incluír no POS 2022», sinalan desde a Alcaldía. Este plan terá que ser presentado en febreiro do próximo ano, e desde o executivo convidan á oposición ao diálogo presentándolles ademais unha programación de tres bloques de obras que inclúen tarefas de saneamento, melloras da rede viaria e rehabilitación dos camiños interiores. «Moitas destas intervencións e melloras foron recollidas nos encontros e reunións coa veciñanza que se levan realizando durante todo o noso mandato» destacou o alcalde, Iago Toba.
Nesa proposta, o equipo socialista solicitará que se realicen melloras nos camiños interiores de Figueroa, Martineto, Calo, Buiturón, Serantes e Talón (a 2ª fase do proxecto); que se interveña en núcleos con problemas de inundacións como Figueiras de Abaixo, Moreira, Vilastose ou Bardullas; e que se acondicione a pista que comunica o monte co núcleo de Bardullas ademais ds viais de Trasufre a Coucieiro, de Pasantes a Fumiñeo (incluído o ramal a Baltar) e de Castelo a Senande. Tamén destacan obras de mellora na escola unitaria de Merexo así como a creación dunha rede de abastecemento en Castro (Frixe).