O incremento, con efectos desde o pasado 1 de xaneiro, supón que o salario mínimo para calquera actividade quede fixado en 33,33 euros ao día con carácter xeral; os empregados de fogar deberán percibir un mínimo de 7,82 euros brutos por cada hora traballada e 47,36 por xornada legal. A ministra de Política Territorial e portavoz do Executivo, Isabel Rodríguez, destacou que desde que Pedro Sánchez é presidente do Goberno, o Salario Mínimo Interprofesional incrementouse un 33,5%, pasando de 735 euros a 1.000. Ao seu xuízo, a medida repercutirá nun maior benestar dos traballadores, en especial dos máis novos e das mulleres. Pola súa banda, a vicepresidenta segunda e ministra de Traballo e Economía Social, Yolanda Díaz, engadiu que a mellora salarial achega a España ás portas de Europa: «O obxectivo é ser máis europeos e destituír un modelo empresarial e de relacións laborais absolutamente precarios».
43