Abegondo Casa Torreiro 32 – Grupo Lemaco Xiria A 30 – (16-14)/
Disputaba o equipo carballés o seu derradeiro encontro desta Primeira Fase, aprazado no seu día diante do Abegondo, e ao igual que no partido da primeira volta o conxunto rival complicou o xogo do Grupo Lemaco, que non foi capaz de entrar no partido e só por rachas lograba xogar. O arbitraxe, moi desconcertante, prexudicou en exceso ao Xiria, que se viu privado de facer fronte ao Abegondo.
As molestias de Viña e Erik. Que xogaron moi tocados, pasaron factura a un equipo que non atopaba solucións en ataque e era desbordado na defensa unha e outra vez, incapaz de parar as accións rivais. Por veces o Xiria atopaba boas sensacións, intensificaba a defensa e era capaz de correr, pero novamente debilitaba a defensa e volvían as diferenzas a prol do Abegondo.
Nun arranque final os carballeses lograban ir a polo partido, pero varias decisións en contra facían que cedesen ante o rival.
Agora a esperar a resolución da Federación Galega para a vindeira Fase.