O Telescopio Solar Europeo (EST, polas súas siglas en inglés) impulsará a investigación do Sol en Europa. Terá un espello primario de 4,2 metros de diámetro e unha altura de 44 metros, será o maior telescopio solar de Europa e a súa tecnoloxía punteira proporcionará aos astrónomos unha ferramenta única para entender o Sol e como este determina as condicións do espazo próximo á Terra. Esta nova infraestrutura europea foi presentada en España o pasado 3 de maio, ás 12:00, na Residencia de Estudantes de Madrid. España lidera o consorcio internacional do EST a través do Instituto de Astrofísica de Canarias (IAC), como coordinador, e o Instituto de Astrofísica de Andalucía (IAA-CSIC). O Telescopio Solar Europeo, que está previsto que se empece a construír en 2024 no Observatorio do Roque de los Muchachos, na illa da Palma, podería estar en funcionamento en 2029.
41