O primeiro ministro húngaro, Viktor Orban, dixo tras a súa visita a Moscova que non vía ningunha intención de Rusia de invadir e subliñou a necesidade de utilizar a diplomacia para buscar unha desescalada, unha mensaxe que repetiu o ministro de Asuntos Exteriores do país, Péter Szijjarto. Para Szijjártó, “sempre que hai un conflito Este-Oeste, os países de Europa Central adoitan saír perdendo.
Ademais dixo que as sancións son infrutuosas: “As sancións poden ou deben impoñerse só no caso de que ocorra algo. Ben, iso é o primeiro. Segundo: cando se trata de sancións, é obvio que non funcionan. Non queriamos romper a unidade europea. Nunca vetamos. Sempre nos aliñamos coa decisión.
“Temos que facer todo o posible para evitar o peor dos escenarios. Temos que investir en diplomacia. Temos que investir no diálogo. Por iso pedimos á Federación Rusa e aos nosos aliados occidentais, aos países grandes, aos países fortes, que non abandonen a esperanza dunha solución pacífica. Para nós, países centroeuropeos máis ben pequenos, pode ser extremadamente perigoso que se produzan accións violentas. Así que evitemos por todos os medios o peor escenario posible”, concluíu.