Este sábado o Calvo Basket Xiria tiña a oportunidade de afianzar a súa posición na parte media da táboa clasificatoria. Ás 17:00 horas, a porta pechada, recibía no pavillón Vila de Noia a un rival da súa talla, o Obradoiro Silleda. O filial obradoirista plantoulle cara aos carballeses desde o primeiro minuto, coa intención de sacar o partido adiante. O ano pasado, no partido xogado o 2 de febreiro o Xiria deulle un repaso ao equipo que dirixe Denís Pombar, endosándolle un contundente resultado 54-92. Agora o Obradoiro Silleda sacouse esa espiña, aínda que con menos marxe. Así quedou o resultado dos cuartos, 16-20, 18-21, 19-21, 20-18. O xogador carballés da xornada foi Bruno Pallotti con 24 puntos en 34 minutos, ademais de 5 asistencias. Tras perder por 73-80, o Calvo Basket Xiria xa debe pensar no próximo partido, será este mércores 3 de febreiro ás 20:00 horas novamente na casa contra o Xixón Basket, correspondente á xornada aprazada o 23 de decembro de 2020.
19