Xa dá igual fóra, en casa, con motivación de Copa ou con novo adestrador, o Bergantiños FC volveu a perder este domingo en As Eiroas, neste caso, pola mínima e cortaron a mala racha que viña atravesando o Silva SD. Na nova era de Borja Facal, ademais de perder, non xogaron ben e o equipo continúa presionado polos malos resultados das últimas xornadas e os postos de descenso na táboa clasificatoria. Pola súa banda o UD Paiosaco – Hierros cultivou un valioso punto na casa do Alondras CF (1-1), pero tamén é insuficiente para saír do pozo da zona de descenso.
