Propoñer a disolución das organizacións ou persoas xurídicas que promovan consultas ou referendos de autodeterminación. Esa é unha das propostas que recolle o texto que o PP rexistraba este mércores no Congreso como emenda á totalidade da lei de amnistía e que, na práctica, supoñería a ilegalización de partidos políticos como ERC ou Junts.
O voceiro do Partido Popular no Congreso dos Deputados, Miguel Tellado, facía este anuncio despois de que se filtrou o feito de que o PP se había reunido con Junts a posteriori das eleccións estatais do 23 de xullo para tentar negociar a investidura de Feijóo.
A iniciativa do PP tamén busca castigos para as “autoridades, cargos ou funcionarios públicos que promovan a inobservancia das leis ou o incumprimento das resolucións xudiciais”, buscando “prexudicar a unidade” de España. Ese texto alternativo que complementa a emenda é unha reforma do Código penal e debaterase no Pleno do Congreso dentro dunha semana.