O PSdeG pide a expulsión do partido de 5 miliantes de Narón. Xa lle trasladaron a proposta á dirección federal. Acúsanos de «danar gravemente a imaxe do partido» e de condicionar os resultados das eleccións municipais do ano pasado, ademais de atacar a imaxe dos membros da candidatura. Entre outras cuestións os agora expedientados acusaron a Gonzalo Caballero e á Executiva de practicar «un dedazo» á hora de elixir candidato á alcaldía de Narón. Un destes 5 militantes expedientados forma parte da Executiva provincial que lidera Valentín González Formoso. Como instrutor deste expediente exerceu Xavier Carro Garrote, quen foi deputado socialista no Congreso entre os anos 2004 e 2011. Gonzalo Caballero pronunciouse sobre o cisma no seo do partido na Coruña ao sinalar que «ningún cargo» está por encima das normas do partido e chamou a cumprir coa organización ao considerar que «cumprindo dentro» gáñase «credibilidade cara a fóra».
27