Polo menos oito persoas morreron despois de que as forzas rusas bombardeasen á primeira hora deste luns un centro comercial nos arredores de Kiev. Unha enorme explosión sacudiu a capital ucraína e puidéronse ver incendios nos restos do centro comercial, as autoridades seguen buscando vítimas.
O alto representante da Unión Europea (UE) para Asuntos Exteriores, Josep Borrell, afirmou este luns que Rusia está a cometer “moitos crimes de guerra” en Ucraína e tachou o que está a ocorrer en Mariúpol, ao sueste do país, como un “masivo crime de guerra”.
Os líderes de Francia, Estados Unidos, Reino Unido, Alemaña e Italia, o quinteto que segue de preto a situación de Ucraína, manterán unha entrevista telemática este luns para coordinar as sancións occidentais contra Rusia, confirmaron fontes do Elíseo.