Este sector xa conta con 19.343 traballadores en Galicia, experimentando un crecemento do 1,9% no período 2019-2020, mentres o sector Contidos sitúase nos 5.050 empregados/as. Son as cifras recollidas no Estudo sobre o Hipersector TIC de Galicia publicado polo Observatorio da Sociedade da Información en Galicia (Osimga), adscrito á Amtega. A análise dos dous sectores que conforman o Hipersector TIC indica que: o sector TIC acada as 2.897 empresas, un 4,1 % máis que o ano anterior e representa máis do 75% do total do Hipersector TIC. Pola súa banda, o sector Contidos experimenta un crecemento do 5,8% e sitúase en 933 empresas. A balanza comercial do Hipersector TIC deixou en Galicia máis de 95 millóns de euros en exportacións no ano 2019. Pola súa banda, as importacións acadaron practicamente os 136 millóns de euros.
38