- O Goberno respecta pero non comparte a sentenza e o PP di que Sánchez debe pedir perdón.
O Tribunal Supremo condenou ao fiscal xeral do Estado, Álvaro García Ortiz, cunha inhabilitación de dous anos e unha multa de 7.200 euros por revelación de datos reservados en relación coa filtración dun correo electrónico coa confesión de dous delitos fiscais de Alberto González Amador, noivo da presidenta da Comunidade de Madrid, Isabel Díaz Ayuso. Ao ser un fallo adiantado, descoñécense aínda os detalles da sentenza, polo que non se sabe se se condena a García Ortiz pola presunta filtración do correo do avogado de González Amador no que se recoñecían no seu nome dous delitos fiscais, ou se é pola nota de prensa na que se detallou ese mail e cuxa autoría sempre asumiu o fiscal xeral. A decisión do alto tribunal, que é firme, supoñerá a saída de Álvaro García Ortiz da xefatura da Fiscalía Xeral do Estado, onde chegou en xullo de 2022.