O emprego en turismo rozou no mes de marzo o nivel prepandemia, con 2.388.910 afiliados á Seguridade Social que representan o 99,4% das altas que había no sector no mesmo mes de 2019, segundo os datos publicados por Turespaña. Os afiliados en actividades turísticas supoñen o 12,1% do total de afiliados na economía nacional. A ministra de Industria, Comercio e Turismo, Reyes Maroto, destacou “a vigorosa recuperación do turismo que se está producindo no noso país está a ter un primeiro impacto directo e inmediato no emprego. Antes mesmo dunha Semana Santa que resultou extraordinaria, a afiliación no sector situouse en marzo en niveis prepandemia e creáronse preto de 330.000 postos de traballo en actividades turísticas no último ano, o que confirma o bo momento que vive o turismo. Se na anterior crise financeira o emprego turístico tardou seis anos en recuperarse, hoxe rozamos os niveis prepandemia dous anos despois da peor crise que enfrontou o sector en toda a súa historia, o que foi posible, entre outras cousas, grazas ao escudo de protección de traballadores e empresas despregado polo Goberno e ao exitoso proceso de vacinación”.
17