Polo menos 15 avións de pasaxeiros que sobrevoaban o espazo aéreo europeo este xoves tiveron que aterrar de emerxencia debido a ameazas de bomba que se demostraron falsas. Aeroportos de Bulgaria, República Checa, Italia, Francia, Bélxica, España, Austria, Polonia e Romanía tiveron que activar os seus protocolos de emerxencia e nalgúns casos os voos civís foron escoltados por avións militases. Tras proceder ao rexistro, en ningún caso se atoparon explosivos ou outros indicios que xustificasen a alarma, nin se produciron danos persoais ou materiais. A estas alertas que afectaron a avións en voo súmanse as que se rexistraron mentres outros aparellos estaban aínda en pista en Madrid, Varsovia e Copenhague. En total, o número de incidentes supera a vintena. Todos os voos afectados pertencen a aerolíneas europeas. A Comisión Europea activou un mecanismo de intercambio de información entre os Estados membros ante a sucesión de incidentes.
0