Entre as medidas que o Goberno pretende aprobar de aquí ao final da lexislatura está a recuperación do subisidio para desempregados maiores de 52 anos, tres anos menos que actualmente. Os traballadores por conta propia que durante a súa vida laboral cotizaran seis anos ou máis e quen estea en pluriactividade poderán beneficiarse desta axuda. Así o anunciou a secretaria de Estado de Emprego, Yolanda Valdeolivas, durante a súa segunda e última comparecencia no Congreso dos Deputados para explicar as liñas xerais do seu departamento en materia de emprego, formación, relacións laborais e traballo autónomo.