35
O pacto migratorio centra a reunión informal dos ministros europeos do Interior que se celebra en Logroño. Con motivo da presidencia española da Unión, Fernando Grande-Marlaska quere avanzar na reforma migratoria para que os Vinte e sete fixen unha postura común antes da tramitación na Eurocámara.
«Estamos avanzando. Os nosos equipos técnicos están traballando de forma importante, e esperemos que antes da finalización deste mes poidamos ter a postura do Consello. É a nosa prioridade», asegura o ministro español.
A comisaria europea do Interior tamén confía en que os estados membros alcancen un consenso sobre o regulamento de crise, a última parte desta reforma.