27
Os Mossos d’Esquadra están a investigar unha agresión sexual de polo menos dous homes a unha moza de 25 anos en Tarragona durante a madrugada deste venres. Os feitos ocorrerían na Part Alta da cidade, cando a vítima pediu axuda a un grupo de mozos porque perdera o seu teléfono. Os agresores, que formaban parte do devandito grupo, convencérona para ir cara a unha zona pouco concorrida co pretexto de que sabían onde estaba o seu móbil e violaron presuntamente á moza en plena vía pública. Posteriormente, a vítima acudiu ao hospital, onde se activou o protocolo para este tipo de delitos. Polo momento non hai detidos.