Os partidos nacionalistas cataláns, vascos, galegos e baleares asinantes da denominada Declaración da Llotja de Mar denunciaron este domingo que a Constitución española «converteuse en instrumento para violentar dereitos democráticos básicos». Estas formacións (BNG, CUP, EH Bildu, Esquerra Republicana, MÉS per Mallorca, MÉS per Menorca e Junts) asinaron xunto a outros partidos, o 25 de outubro de 2019 en Barcelona, un documento para reivindicar un acordo político sobre a crise catalá, a defensa do dereito á autodeterminación e a liberación dos «presos políticos».
Afirman que estamos ante unha Constitución esgotada, deslexitimada e convertida en factor condicionante e determinante das nosas aspiracións democráticas. Pensamos que xa é hora de facer fronte a cambios estruturais. É máis, a pesar de discursos e posicións inmobilistas, o propio Estado español é consciente da fin do ciclo constitucional e da necesidade de reformas.
Esta Constitución converteuse nun instrumento para violentar dereitos democráticos básicos. En nome desta Constitución impídese darlle unha canalización ao desenvolvemento da vontade democrática dos nosos pobos e criminalízase e reprímese calquera exercicio democrático que persiga tal obxectivo. Seguiremos demandando e loitando por esixir ao Estado un modelo que, desde o recoñecemento da plurinacionalidade do Estado e do dereito de autodeterminación dos pobos, conclúen.