UXT e CCOO convocaron estas xornadas de folga en protesta porque a compañía, din, non acepta a creación do servizo de «autohandling» (servizo en terra prestado pola propia compañía) naqueles aeroportos nos que perdeu o concurso convocado por Aena. Fontes sindicais dixeron este mércores que os paros se producirían os días 29, 30 e 31 de decembro e 1, 4, 5, 6 e 7 de xaneiro, coincidindo coas datas críticas de fin de ano e Reis. Pola súa banda, a compañía emitiu un comunicado no que mostra «a súa enorme decepción» ante esta «irresponsable convocatoria», xa que asegura estar en contacto continuamente cos axentes sociais desde que se resolveu o concurso de handling de Aena, o pasado 26 de setembro, para «satisfacer as principais inquietudes dos seus traballadores». Iberia considera que unha folga convocada nestas datas «dana irreparablemente o dereito ás vacacións e á reunificación de familias e amigos» de maneira «irresponsable e carente de sentido».
45