Pechadas máis de 20 aulas por casos de coronavirus


Non hai un rexistro oficial de casos, pero xa se contabilizan máis de vinte aulas pechadas na comunidade galega desde que se iniciou o curso a semana pasada. Ademais este xoves coñecéronse casos novos en Vigo, Cambre, Ribadeo, Ourense e Vilagarcía.

Se hai un caso, íllase toda a clase. É o protocolo co que se traballa en Galicia para previr os contaxios nos centros educativos e que se está aplicando desde que a semana pasada empezou o curso. O resto da actividade continúa normalmente no colexio.