- O presidente negou que o traslado de Franco fose un acto electoralista.
O presidente do Goberno en funcións, Pedro Sánchez, destacou este xoves que coa exhumación de Francisco Franco do Val dos Caídos «España cumpre consigo mesma».
Nunha declaración institucional no Palacio da Moncloa, Sánchez subliñou que se pon fin a unha «afronta moral» e un «agravio» para a democracia como era, ao seu xuízo, o enaltecemento do ditador nun lugar público.
Tamén considerou que se dá «un paso máis na reconciliación» e a democracia española «se prestixia aos ollos do mundo», ao atender a unha recomendación apoiada entre outros organismos por Nacións Unidas.
Aínda que admitiu que «caben todas as opinións sobre o momento» en que se levou a cabo a exhumación -en plena precampaña electoral-, Sánchez sinalou que «cada cal ten o seu criterio» e lembrou que o Goberno prometeu que o faría «no mesmo momento en que fose posible». «E este é o momento. E así se fixo. Nin un día antes nin un día despois», engadiu.