16
O xefe do executivo español, Pedro Sánchez, amósase seguro de poder persuadir o seu homólogo galo, Emmanuel Macron, para levar a cabo as obras necesarias: “Creo que dunha maneira ou doutra, antes que despois imos chegar a un acordo que logre casar todas as sensibilidades e preocupacións que ten Francia”, matizou Sánchez. O primeiro ministro portugués, António Costa, reunirase tamén en París con ambos para falar do gasoduto a través dos Pireneos. O encontro concretouse durante o cumio europeo deste venres en Praga. Ata o de agora, Macron mostrouse reacio á proposta, pero Pedro Sánchez confía en que a xuntanza lle permita convencelo para que dea o seu visto e prace ao proxecto.