O presidente do Goberno en funcións, Pedro Sánchez, volveu a insistir este martes en presentarse á investidura, asegurou que non contempla unha repetición electoral e que todos os seus plans pasan por traballar por un executivo progresista.
Mostrouse optimista de que poidan avanzar e chegar a un acordo que ese é o seu plan, por iso, Sánchez non contempla a repetición electoral porque, segundo el, danse os números.
Fixo estas consideracións nunha conversación informal cos xornalistas que cobren a súa participación en diversos eventos en Nova York no marco do inicio do novo período de sesións da Asemblea Xeral da ONU.
O xefe do Executivo recalcou que é optimista para lograr un acordo que lle permita ser investido, pero insistiu en respectar os tempos porque agora cre que é a quenda do líder do PP, Alberto Núñez Feijóo.