29
Segundo indicaron as testemuñas do suceso na súa chamada ao 112 Galicia, o vehículo quedou na cuneta, fóra da calzada e a vítima, un veciño de Vilalba de 66 anos, abandonou o coche polos seus propios medios, iso si, visiblemente ferido. Pouco tempo despois, os axentes da Garda Civil de Tráfico confirmaron as graves lesións do condutor, das que, finalmente, non se puido recuperar. Ademais dos axentes de seguridade, ao lugar do accidente acudiu un equipo de Urxencias Sanitarias de Galicia-061 a bordo dunha UVI móbil, mais nada puideron facer por salvarlle a vida. Tamén foron informados os efectivos de limpeza e mantemento do Ministerio de Fomento co fin de restablecer as condicións de seguridade na calzada.