25
O president da Generalitat, Pere Aragonés, asegurou a última hora deste venres que seguirá á fronte do goberno de Cataluña a pesar da decisión de JxCat de abandonar o executivo. Quedará en minoría, pero Aragonés di que buscará pactos con outros partidos para seguir coa súa tarefa. A presidenta de JxCat, Laura Borràs, afirmou que o presidente da Generalitat perdeu a súa «lexitimidade democrática», ao «fracasar» no seu intento de liderar un goberno de coalición, e retouno a someter o seu cargo a votación no Parlament. Aragonés quedou co apoio dos 33 deputados de ERC, fronte aos 74 votos que recibiu -tamén de JxCat e a CUP- na súa investidura.