33
- Dirixido a nenos de entre 3 e 12 anos, o prazo para solicitar praza rematará o 11 de xuño
O Concello de Ponteceso poñerá en marcha o programa Respira, dirixido a nenos do municipio de entre 3 e 12 anos co obxectivo de facilitarlles aos seus proxenitores a conciliación laboral e familiar. Os solicitantes deberán acreditar «a necesidade de conciliación», sinalan desde o Goberno local, e ademais deberán cumprir cos requisitos de renda familiar.
Esta iniciativa, de balde, desenvolverase durante os meses de xullo e agosto, en horario de 9:30 a 13:30 horas. As prazas outorgaranse por orde de inscrición e poderanse solicitar entre os días 7 e 11 de xuño, ambos inclusive.
Máis información chamando ao teléfono 881 983 223.