A medida foi adoptada este xoves en Consello de Ministros como «protección», para evitar «estender» a situación de avance da pandemia en Lisboa ao resto do país, e estará en vigor entre ás 15.00 horas do venres e ás 6.00 do luns, informou en conferencia de prensa a ministra de Presidencia, Mariana Vieira da Silva. «Son medidas que prexudican a vida de todos, pero son necesarias», dixo, quen sinalou que aínda é «pronto» para determinar canto tempo se manterá esta restrición e que se vai reforzar o control por parte das autoridades. Esta decisión implica para Lisboa, entre outras medidas, restricións de horario máis duras para o comercio e a restauración e teletraballo obrigatorio. As autoridades sanitarias da rexión de Lisboa e Vale do Tejo emitiron unha orde para cancelar todas as celebracións, cerimonias ou eventos de fin de curso previstos nas institucións de ensino, e para pedir ás familias que tampouco os realicen fóra do ámbito escolar.
23