41
Hai un mes comezaba a produción en serie do novo todo camiño. Agora a factoría de Balaídos refórzase coa posta en marcha dunha segunda quenda con seiscentos novos traballadores. Deste xeito, a produción diaria pasa dos 250 aos 700 vehículos.
Está previsto que en xaneiro entre unha quenda de noite coa que a planta recuperará as tres quendas e acadará a cadencia máxima con 2.300 vehículos diarios. Se se cumpren as expectativas de venda o fabricante francés incorporaría ata unha cuarta quenda á planta viguesa.
Así a cadencia aumentará ata chegar aos 250.000 vehículos anuais do novo modelo, que comezará a comercializarse a finais de ano.