Representantes do PSdeG e do BNG refrendaron este luns en Santiago o acordo mutuo para garantir a formación de gobernos progresistas nos concellos galegos nos que a dereita non sume. O secretario de organización do PSdeG, José Manuel Lage Tuñas, defendeu a “madurez” de ambas formacións que deciden apoiarse de forma recíproca para facilitar a investidura do candidato socialista ou nacionalista que obtivo máis votos. O equipo negociador estivo conformado por representantes da dirección do BNG, a responsable da área de Municipal, Carme da Silva; o de Organización, Bieito Lobeira, e o encargado da área de Internacional, Rubén Cela- e do PSdeG -a presidenta do partido, Carmela Silva; o secretario de Organización, José Manuel Lage, e o secretario de Política Municipal, Alberto Varela.
0