Establecemento adherido á campaña "Sempre Carballo"_Cedida
34
Novembro é o último mes para activar as tarxetas-bono e consumir os 30 euros que traen de saldo
Promo da campaña «Sempre Carballo».
A campaña “Sempre Carballo” entra no seu último mes con máis de 15.000 tarxetas validadas e numerosas compras entre os 272 establecementos adheridos.
Estas tarxetas-bono contan cun saldo de 30 euros para consumir antes do 30 de novembro en calquera local, ben sexa dentro do sector da carpintaría, restauración, nutrición, beleza ou saúde.
A cifra de solicitudes achégase ás 16.000, pero o prazo continúa aberto ata o 15 de novembro para todas as persoas maiores de idade empadroadas en Carballo a 31 de xullo deste ano. Só hai que entrar na web do programa, cubrir o formulario de solicitude e agardar uns días para recibir no domicilio a tarxeta coas instrucións.
