Un minuto de silencio para honrar a memoria dun cento de membros do persoal sanitario e dos servizos sociais británicos que faleceron durante a pandemia. Segundo anunciou o Goberno, as súas familias recibirán unha compensación de 60.000 libras, case setenta mil euros.
A preocupación crece no Reino Unido, onde xa faleceron máis de vinte e unha mil persoas por COVID-19, tras darse varios casos dunha rara e grave enfermidade inflamatoria en nenos, algúns con resultado fatal, e que poderían deberse ao coronavirus. Outros países europeos rexistraron casos similares.
Desde a asociación española de pediatría fíxose un chamamento á calma. Non se descarta que se trate dunha nova enfermidade e que coincida no tempo coa pandemia da COVID-19. En calquera caso, insisten as fontes médicas, é extremadamente rara.