54
O helicóptero Helimer 402 de Salvamento Marítimo rescatou esta madrugada á tripulación dun barco pesqueiro que bateu contra unhas rochas na ría de Cedeira.
Segundo os datos facilitados ao 112 Galicia, os sete tripulantes que navegaban a bordo do pesqueiro “ O Patrón” non precisaron asistencia médica tras ser evacuados pola aeronave.
Os feitos ocorreron ao fío das 3:30 horas e, nada máis ter constancia, desde o 112 Galicia informouse a Salvamento Marítimo, ao Servizo de Gardacostas de Galicia, aos axentes da Garda Civil e aos membros da Agrupación de Voluntarios de Protección Civil de Cedeira.