O exministro de Economía británico, Rishi Sunak, converteuse este luns no sucesor de Liz Truss como líder do Partido Conservador de Reino Unido e, tras unha audiencia co rei Carlos III, será tamén o novo primeiro ministro do país. Despois de que a líder dos conservadores na Cámara dos Comúns, Penny Mordaunt, se retirase da carreira, Sunak converteuse na primeira persoa hindú practicante en ser líder do Partido Conservador, nunha ruptura histórica de Reino Unido co pasado. O Comité 1922, que agrupa aos deputados sen cargos ministeriais, organizou este proceso ao anunciar Truss a súa dimisión o pasado xoves despois de que o seu programa fiscal provocase fortes turbulencias nos mercados financeiros. O presidente do Comité 1922, Graham Brady, anunciou que tan só recibiu un candidato e que «Rishi Sunak foi elixido líder do Partido Conservador», despois de obter o apoio de preto de 200 deputados.
33