O presidente do Goberno, Pedro Sánchez, realizou este luns unha visita á aula de formación tecnolóxica de mulleres con discapacidade da plataforma CERMI.
Sánchez trasladoulles a súa felicitación ao cumprirse o décimo aniversario do centro, así como o recoñecemento ao traballo desenvolvido para que mulleres e nenas con discapacidade -que representan preto do 60% dos 4,5 millóns de persoas con algunha discapacidade en España- poidan gozar plenamente e en igualdade de condicións de todos os dereitos e liberdades.
Tamén quixo celebrar con elas a esperada modificación do artigo 49 da Constitución Española, que cambia o termo “diminuído” por “persoas con discapacidade”, poñendo así fin a unha terminoloxía que non reflectía nin os valores da nosa Constitución nin, sobre todo, a dignidade dun colectivo de cidadáns e cidadás -subliñou-. O xefe do Executivo agradeceulles o papel decisivo que desempeñaron para que saia adiante, así como a inclusión específica e expresa de mulleres e nenas no propio texto do artigo, xa que cando a discapacidade afecta a unha muller ou a unha nena, aumenta a súa discriminación e dificultades, abrindo máis a brecha da desigualdade.