- Cada centro educativo poderá implementar as medidas segundo o seu contexto
Os Ministerios de Sanidade e de Educación e Formación Profesional ultimaron a guía de recomendacións con medidas de prevención, hixiene e promoción da saúde para o curso 2020-21 coas achegas das Consellerías de Educación.
O documento, cuxo borrador foi presentado na Conferencia Sectorial de Educación celebrada o pasado 11 de xuño para que as Comunidades Autónomas puidesen estudalo e facer as súas achegas e comentarios, ofrece un marco común que pode ser adaptado en cada comunidade autónoma e implementado segundo a realidade de cada centro educativo e do seu contexto local.
As medidas de hixiene e de prevención recomendadas establécense ao redor de catro principios básicos: limitación de contactos, medidas de prevención persoal, limpeza e ventilación e xestión dos casos, e articúlanse mediante accións transversais, como a reorganización dos centros e a comunicación.
Estas medidas iranse actualizando cando sexa necesario, se os cambios na situación epidemiolóxica do COVID-19 así o requiren.