A medida, indicou a ministra de Sanidade, Mónica García, en declaracións á Sexta, será “transitoria”, mentres dure o “pico” de contaxios, que se prevé alcance o seu máximo na terceira semana de xaneiro. García trasladará esta petición ás comunidades este luns 8 nun pleno extraordinario do Consello Interterritorial do Sistema Nacional de Saúde no que se buscará “unificar criterios”. Nunha mensaxe na rede social X, Mónica García recomendou o uso da máscara nestas datas e apelou “ao sentido común” e ao “espírito resiliente demostrado durante a pandemia”. “A incidencia actual é próxima aos mil casos por cada 100.000 habitantes a nivel xeral. Lembrou, ademais, que “cada comunidade posúe a competencia e a responsabilidade de implementar medidas adecuadas ás súas circunstancias particulares”. Segundo García, “elas son as que están en primeira liña e son as que coñecen mellor as súas necesidades”.
22