22
O conselleiro de Sanidade admite que a presión hospitalaria se vai manter polo menos 15 días máis a pesar do lixeiro descenso no número de contaxios diarios. Julio García Comesaña pídelles aos galegos un esforzo adicional para dobregar a curva e evitar o colapso dos hospitais. Fala dun crecemento explosivo de casos nas últimas semanas que puxo os hospitais galegos nunha situación moi complicada. E engade que xa non se trata de zonas concretas, aínda que admite que na Coruña o persoal xa buscou alternativas para evitar o colapso. Para frear os contaxios, ademais das medidas restritivas, son importantes os cribados poboacionais que se están levando a cabo en toda Galicia á busca de asintomáticos.